Param odhienyo e kor ot ni "I hate you mama Meher". Meher yude e rumne kanyo ka ong'iyo siling' mare. Okawo Param gilep lep kendo odhii kode nyaka e yii gari kama okete gi Karan, Seher kod Sarab kendo owuok kodgi.

Sechwho to Kulwant bende pakore. Owachoni Meher biro temo kaka nyalo to duto biro goore e lwanda.

Meher dwokogi e bungu kucha. Ohingo tiyo kod thuolo kochiwo ranyisi moromo ni ohero Param kaka nyathine owuon. Okawo Magical coin kendo ochako gano kaka ohero Param gi chunye tee. Omiyo siling' mar hono-no mondo ochop dwaro mare.

Tok wito siling'no, oyawo bade malach mondo Param okwake to Param ng'iye karombo. Otemo racho silinge mane Kulwant en mamiriambo gino ma Karan kwedo tok wacho ni kwayo mare ne ochopo kare. Giwuok e bungu kosewacho kaka ohero nyithinde adekgo tee.

Toke, owuok odhii rakore gi mamane Kulwant. Ka dala kocha to Sarab gi nyithindo luoko sende. Ranyisi mar luoko chunjegi mondo obed maler. Sarab loso kod nyithinde kendo opuonjogi mondo gibed kamoro achiel kagiriwore kaa angum eka gibiro loyo tembe duto moriwo e nyimgi. Olamurugi mondo gikwakre. Seher bende swayogi mondo gikwakre kik gidek saa. Gikwakore. Toke, Sarab yiero Seher kaka jathek e kindgi ndalo duto.

"Koro oromo mama," Meher nyiso Kulwant.