Anyuola mar joka-Gill obedo gi mor mopong' gi bwok tok ka Ogai mar Obila chiwo kendo lero video manyiso kaka Meher ne okonyo Param kaachiel gi Karan e got kocha. Sarab wiye okuot maduong' mahingo wiye jii tee.

Jaduong' Daar to koro odakne mana ni donge koro ofwenyo ni "adiera kokiki gi miriambo kata matin to adierano bedo molil chuth". En to orido mondo Sarab obed dhand dichuo kendo ohul richone ne Meher mondo okwaye ng'uono. Robbie bende siro kendo Sarab bende oyie ni nyaka otem kaka nyalo.

Sarab dhii ir Meher kendo oywagore kaka ne obedo mijinga momulo murima. Owuoyo to Meher wuondore ni ok winje. Oywagore malich. Gi wuodwegi mong'eyo dengo. Chesaaa! Okone Meher mondo ong'uonne kuom maricho duto mosetime nimar duto ne otimore to ok e duaro mare.

Meher kwede malich ni owere kode kendo wuok weye kowuoyo kende. Meher thianone Sarab ni onge odiechieng ma gibiro bedoe kanyakla kendo. Kindgi koro okethore nyaka chieng'. Wach muoro yi joka-Gill. Gino mamiyo TaaJi kaachiel gi Harleen chiwore mondo obong Meher owek bedo gele kamano.

Sani tanga koro oloko kendo Meher orido makat mul okodwar mondo Sarab omule. Olokore lee mar tero Sarab e skul nono makata skul fees okochul.