E osuptal kocha, Obila ogoyo Param opingo. JokaGill sayo Karan mondo okwer weye nimar macha mana ne dhap nyithi dala kaka pile. Kata kamano, Karan kwedo Param kendo obila rieyo kode yoo ng'any ng'any kochik kode od ang'ech.

Seher dhoge omoko kendo okia ni tii nopogre nyadidi. Oluore kuom Karan kasto omuoch ng'wech oluwo bang' Param mochik godo lori maduong' mar obila. Kulwant gini bende luwe ka gisecho malich mondo ong'wonne.

Kulwant nyiso inspekta mondo owee Param thuolo odhii kelone tamtam nimar macha ne mana dhap jodala. Ogai mar obilano omorone Kulwant wang'e kendo maye remo siye. Kulwant ling' thi ka pii dapi.

Dala koni,Kulwant dwogo kendo orakore gi Harleen ka moro kamoro keto wach e wii wadgi. Gi thianore malich. Seher bende donjo yudo ka Harleen lodho ng'ute kendo chingo ume ni odno mare Kulwant gini odar. Seher ledhone ni mano od wuon kod min kendo osahao.

Bang'e, Rajveer sungore ne joka Kaur kendo dhoge pusore mi owach ni en emane owako Harleen e nyasi tok Param yiecho kendo wito barupe e ndop taka. Owang'o yii gi kendo Kulwant hode apat maliet maweyo kawengene morore kendo orudho lembe matek mondo okwee.