Avinash riwore kod Kushi. Okone Raj ni mondo oyie okaw nyathine nimar en bende nomer kendo samoro okonyalparo gimanotomre chieng'no.. Raj iye wang' koparo kaka odundu pod otuo kurr kendo kore gwa gwa nikech pok okier e mor kich moro amora. Okuon fudhi kendo ong'wano Avinash kogund mogo. Oyuke ka ng'at mayuko jamna e wii yath kapok otiele e kor ot kagima odwa loke kalam ondikne Kushi e kor ot ni "Mene Mene Tekel". Raj iye owang' mach moloyo mach mane ochwal ne Kushi e wach milaorono ... osechomone tung' kendo odwa yawo dhao, Seher wek make jii dowito leke gi orumo.. Avinash to pod oridone ni en e wuon Prince oyie mapiyo.

Seher korka chich kendo chako luwo timbe manyoo Kushi timone Raj chir obii e odno. Openjo Kushi, gino mamiyo Kushi lerone maleer ni Raj ne en wuon nyathine kendo seche mane onene to nowinjo kamor odwogo e chunye omiyo gimadine otim notame, kata tok fwenyo ni Raj ni e achiel gi Seher.

Seher dhier nono gimomiyo Kushi ne okochome gi wach tir kendo lerone adier ni Raj no ne osemiye ludh loch kinde machon kendo osebedo komanyo ludhe mano lalno..

Aduoke ma Kushi miye maleer ni Seher en nyamin-gi omiyo nitiere weche moko mane ok onyal wachone... ne otemo mana tang'one Raj kaka ohere nikech en ojahera mapile nimar nong'eyo ni gikone to Seher bofwenyo. Mano bende emomiyo nomiye video mondo onee kende.

Anyuolano sani koro chunygi dang'ni malich. Nyii dala ariyo olokore laro dichuo. Harleen kod Robbie chopo e paro mar gochone Dolly ka gi chich ni kama koro ochopono en emonyalo konyogie.

Raj to ger pino. Otamo Kushi mondo kik mul Seher, kata. Oridone maraach. Raj nyise, "Kushi, kik ikel Nyasaye kod Seher e weche mamiriambo.."

Gino mamiyo Kushi dwoke maliw, "Raj in iwacho ni awacho miriambo to maye en adier mara kendo maye rem ma an asebedo godo kuom higni 5... to sani kaka in ichung' enyima kaye an abiro chung' e adiera ma an ang'eyo"