Sarab gi Meher ne oyware bathe mondo olos matin. Meher dwa ng'eyo gima oktimre. "Meher an pacha ok tii maber. Ok ang'eyo ni anyalo chako gi kanye. Kaluwore gi gimane otimore eodni nyoro jii koro bagni. Param osebedo gi bwok... omiyo an koro aneno ni ater Param e boarding school".

Meher iye wang' kowinjo ni Sarab dwa maye Param tero mabor. Gi gwenyore e paro e seche ma Meher dhawone ni Param en nyathigi kendo ne onengo openje kapok okawo paro moro amora e wi Param oketo e tim.

Sarab oye ni parono okawo mana nikech Param. Oleroni en emane okwayo ni odwaro dhii e boarding. Meher medo dengo malich. Gino mamiyo Sarab kone ni kata enbende en mana dhano kendo gik mosetimore pok omore omiyo nyathine oknyal winjo marach to onyalo tere e boarding kama ok obi sandore gi paro.

E yi ot kocha, Seher bende jiwo Karan ni tok Param dhii e boarding, en ema Meher biro here. Harleen riembogi gi chien.

Oko mar ot, Sarab gi Meher medo gwenyore e paro. Chopo nyaka kama Sarab kone ni Param en nyathine nimar dine en nyathigi gi tee to dine ok oweyo lwete ka oreso Karan kende. Harleen mane ochungo ng'ute ng'iyo bedo gi mor kod hilo kendo owachoni kare Sarab wiye osechako kwanyo.

Meher potho piny nimar Sarab ogoye nyang'eng'a. Sarab somone som kisumo to moloyo, chunye chuore kowinjo kaka Sarab ledhone ni Param nyathine kende. Sarab ogedo e wach mar reso Karan weyo Param kaluny. Omiyo koro oramo ni Param dhii e boarding school. Meher koro kibaji chamo miwuoro kendo oywagore koparo gigo mane otimore e wii got e yii bungu kocha.

Meher choko chirr ka nyar sibuor kendo dhii mako gok Sarab kowachone ni obed kod paro moyawore. Sarab golo lwete kendo nyise ni gima ginyalo wacho sano en kaka Param nyalo dhii school nono to omwon dhoge gi ojuok nimar obiro ketone Param gi weche manono.

"Mama!Mama!Mama!," Seher luongo karingo dhii ir Meher. Ofulone ni oneno ka Param timo penj moro. Odwani olerne kopore ni odhi dhii e boarding.