Tok Kushi lero kaka en owacho adier ni Raj e wuon Prince, Raj iye ludre kendo luoro make. Osayo Bittu, Rana kod param mondo oyie kode. Oparonegi chien kaka kendruok gi nobedo. Harleen kod Robbie dwogo koya temo gochone Dolly kendo gi yangone Raj ni onge nyako manyalo ketho nyinge e yoo machalo kamano, gi weche mamiriambo.

Harleen lero ni gima otimre ne kushi no nosetimre ne Meher mane en min Seher kendo anyuolane nochung’ kode omiyo koro nyaka gichung’ gi kushi bbende. Kulwant kaka miyo maduongg’ lero achana ni Kushi nyakware to kata kamano Kushi riambo. Oyango ni kaluwore kod kaka weche osebedo kawachore, Kushi ne omer pep to Raj ne ngima, omiyo weche Raj inyalo mi nengo moloyo mago mag Kushi. Kanyono ema Harleen kwanye godo ni Raj noyudo yot kuom Kushi nikech nomer mochwee otimo kode tuk kathirathira. To nikech wiye ne ler, en koro otamore mondo kik fwenye.

“Oromo we!”, Seher kokne Harleen komedoni e yi weche ariyogo, Kushi kata Raj nyalo bedo ni riasi. To en owuon ong’eyo ni Raj okriabmi. Kulwanr siro wach Seherno loche adek mag chik, “awachoni wek uru hangone Raj wach Raj ok timbene richo”.

Kata ka pien dhoge mamalo pok ombemore kuom mapiny, Kushi loko wechenego ka ng’at maloko baranget e ng’ango, mano manyalo bedo ranyisi mar ni noloke mamit chieng’no. Olero ni Raj en ng’at maber ahinya kaluwore gi kaka ne oromo kode. Omiyo wiye owil mana gi gimanotimo chieng’no nikech nomer. Oleroni otienono Raj ne ok otimone marach kata matin nikech gimane otimoreno giduto ne gi gombo mondo otimre kendo ne oyie mondo Raj otonne moo.

“Onge richo ma Raj otimo kaye. Onge gimoro amora marach ma ne otimona. Gimoro amora mane otimore otieno-no an ne ayiego. Ne ok atamore. Notimre nikech an ne adwani otimre.. kendo watee ne wadwani mondo otimre”, Kushi lero.

Sama kushi wuoyono, Seher ng’iye kapaka madwa chikore kuom wadgi. Wach ni e kor Seher kendo kawang’ ong’amo dhoge to chal ma weche dhii kethore. Iye osewang’ kendo koro ochich ni chuore ni e tago maliet, mabe chal mar miriambo. Raj iye wang’ matek nikech odhiernono kod gikma Kushi wacho e nyim oganda, makelone wichkuot. Osayore kuom Seher malich mochiegni nyaka nang’e. Oparone kuma hera gi oyae, odiechienggi mar romo , arus kaka nomedo nyaka chir kawuono.

Opuoyo hera ma Seher oheregodo, koriwo nyaka ohinga duto magisekaloe kanyaachiel. Oparogi makoro olando nyaka aluny.

Raj ne olal e hera mar Seher mosebedo koketho wiye nimar en hera motegno ka raidh dero. Owuoyo malit kendo Seher chwee lwar e pat agoge e kore. Raj mako bath wiye kone gi kocha gi lwetege kang’iye kaka bwana arus teno mar bibi arus kapok omiye nyoth mar singruok.

Siling’ ka silin’ ni kod atache kendo nikech gisekowinjo kor Kushi, koro en saa mar winjo kor Raj kokalo kuom penjo jogo manenie magawano chieng’no. Mano e kaka Kulwant ong’ado wach. Gichako gi nono Raj kuma nodhiye tok weyo Kushi e rumne kendo kabin ne nitiere ng’ato machielo e odno. Raj ne oweye e rumne kasto owuok mapiyo odhi nindo nikech kinyne ne omondo kumoro. Okang’ mar fwambo thur wach lewo chuny Kushi.

Kohomo nokwakre e wach niendi to Seher kwanye gi kanyo. Olerone kushi ka nyathi matin mipuonjo gimoro kaka Raj dine osepimone mago duto. Kendo onge gimadine otamo Raj kawo Prince debednii en e mane omiye ichne otieno-no.

Seher wacho kaka osewinjo weche moromo kendo ochiwo rambun ni kochakre sano kik Kushi chak wach kodgi wachno kata matin.